քաղաքականությունՍտվերային կաբինետ
Հայաստանը պետք է ունենա բարձր մասնագիտական որակ ունեցող կառավարություն
Որակյալ մասնագետները, որպես կանոն, պահպանում են քաղաքական չեզոքություն։ Բարի համբավի և զուտ մասնագիտական կարողությունների վրա հիմնված կառավարություն ձևավորելու համար մենք համագործակցում ենք փորձագիտական համայնքի, միջազգային կազմակերպություններում փորձ ունեցող մասնագետների և երկրի առաջատար համալսարանների շրջանավարտների հետ, ովքեր ինքնուրույն հասել են մասնագիտական մեծ հաջողությունների:
Ստվերային կառավարությունը նախարարների թեկնածուների թիմ է, որը կազմավորվել է կուսակցության իշխանության գալու ակնկալիքով, և դրան են փոխանցվելու իրական կառավարության լիազորությունները:
Մեր ստվերային կառավարության կազմը ներառում է.
- Վարչապետ
- Արտաքին գործերի նախարար
- Ֆինանսների նախարար
- Արտաքին անվտանգության նախարար
- Ներքին անվտանգության նախարար
- Արդարադատության նախարար
- Տնտեսության նախարար
- Քաղաքաշինության նախարար
- Բնապահպանության նախարար
- Լուսավորության և գիտության նախարար
- Առողջապահության նախարար
- Սոցիալական պաշտպանության նախարար
Կառավարության կազմում գործում են հետևյալ խորհուրդները.
- Անվտանգության
- Սոցիալական
- Տնտեսության
Վարչապետը, արտաքին գործերի նախարարը և ֆինանսների նախարարը համարվում են բոլոր խորհուրդների անդամներ:
Անվտանգության խորհուրդը ներառում է հետևյալ նախարարներին.
- արտաքին անվտանգության
- ներքին անվտանգության
- արդարադատության
Տնտեսության խորհուրդը ներառում է հետևյալ նախարարներին.
- Տնտեսության
- քաղաքաշինության
- բնապահպանության
Սոցիալական խորհուրդը ներառում է հետևյալ նախարարներին.
- լուսավորության և գիտության
- առողջապահության
- սոցիալական պաշտպանության
Ստվերային կառավարության կողմից մշակված փաստաթղթերը համաձայնեցվում են համապատասխան խորհուրդների կողմից և վերջապես հաստատվում Եռյակի՝ Վարչապետի, Ֆինանսների նախարարի և Արտաքին գործերի նախարարի կողմից:
Ստվերային կառավարությունը երկրի համար հնգամյա զարգացման ծրագիր է մշակում և ծրագրի առաջին տարվա իրականացման բյուջեն:
Յուրաքանչյուր նախարար պատասխանատու է իր ոլորտում պետական կառավարման ռազմավարության մշակման համար: Յուրաքանչյուր ռազմավարության մշակումն ընդգրկում է
- դոկտրինա
- հայեցակարգ
- ծրագիր
Դոկտրինում հիմնավորում են հիմնական պահանջները, որոնց պետք է համապատասխանեն կառավարման նպատակները: Հայեցակարգը ձևակերպում է հնարավոր լուծումը, որը համապատասխանում է հաստատված դոկտրինայի պահանջներին: Ծրագիրը գործողության ուղեցույց է, որին հետևելով գաղափարը կյանքի կկոչվի: Բացի այդ, ստվերային կառավարությունը մշակում է օրենքների և այլ կանոնակարգերի նախագծեր, որոնք պետք է ապահովեն ծրագրերի իրականացումը և հետագայում կառավարման արդյունքների կայուն պահպանումը: Նաև ստվերային կառավարությունն աշխատում է կառավարության առաջին տարվա բյուջեի պլանավորման ուղղությամբ: Ստվերային կառավարության յուրաքանչյուր նախարար կազմում է փորձագիտական խումբ, որի գործունեությունն ինքն է ղեկավարում:
