կարևոր իրադարձություններՄեր մասին

2018 թ հունիսի 30-ին Խորենացի 15 հասեով գտնվող Էլիտ Պլազա հյուրանոցի դահլիճում կայացավ Հայ Կառուցողական կուսակցության առաջին հիմնադիր համագումարը: Համագումարին գրանցվեցին ձայնի իրավունքով 114 մասնակից: Համագումարը որոշեց ստեղծել Հայ Կառուցողական կուսակցությունը, հաստատել կուսակցության կանոնադրությունը և ծրագիրը: Կուսակցության  կանոնադրության առանձնահատկությունները այն են, որ նախագահը  իր պաշտոնավարման ընթացքում իրավունք չունի համատեղել  կուսակցության ղեկավարի պաշտոնը Հանրապետության գործադիր իշխանության ղեկավարի պաշտոնի հետ։ Համամասնական ընտրակարգով ՀՀ Ազգայն Ժողովի, վարչապետի, գործադիր իշխանության քաղաքական պաշտոնների համար Կուսակցության թեկնածուներին ընտրելու համար անցկացվում են ներքին կուսակցական ընտրություններ։ Ազգային Ժողովի պատգամավորների թեկնածուներին առաջադրում են Կուսակցության տարածքային խորհուրդները, իսկ համայնքի տեղական ինքնակառավարման մարմինների ընտրովի պաշտոնների համար թեկնածուներին առաջադրում են սկզբնական կազմակերպություները ։

Կուսակցության գաղափարախոսությունն է սոցիալ-լիբերալիզմը։ Կուսակցության ծրագիրը հիմնվում է պետության կառավարման արդյունավետ ռազմավարության վրա, որը ապահովում է վերջնական արտադրանքի կայուն աճ քաղաքացիների համար օպտիմալ կառուցվածքում, լիակատար զբաղվածության հասնելը, սղաճի բացակայությունը և եկամուտների արդար բաշխումը։

Կուսակցության նախագահ ընտրվեց Անդրիաս Ղուկասյանը: Կուսակցության Գլխավոր Խորհրդի 4 անդամներ ընտրվեցին Տիգրան Առաքելյանը, Ինգա Եղիազարյանը, Ռուբեն Զաքարյանը և Դավիթ Հովհաննիսյանը: Կուսակցության Վերստուգիչ հանձնաժողով ընտրվեցին Նարինե Եղիազարյանը, Նիկոլայ Թոխյանը, Արթուր Մարտոյանը:

ՓՈՔՐԱՑՆԵԼ